Bakı – APA. Azərbaycan Hava və Ekstremal İdman Növləri Federasiyasının təşkilatçılığı ilə aprelin 5-7-də “ClimBaku” idman dırmanması mərkəzində yeniyetmə və gənclər arasında idman dırmanması üzrə Respublika çempionatı keçirilir.
Federasiyanın mətbuat xidmətindən APA-ya verilən məlumata görə, 3 mərhələdə keçiriləcək çempionatda idmançılar bu gün boulderinq, aprelin 6-da çətinlik, aprelin 7-də isə sürət mərhələlərində qüvvələrini sınayacaqlar.
Yarışlarda Azərbaycan Hava və Ekstremal İdman Növləri Federasiyasının müxtəlif bölgələrdən olan idman klublarının 70-ə yaxın yeni başlayan yeniyetmə və gənc idmançısı iştirak edir.
Çempionatın keçirilməsində məqsəd ekstremal idman növlərini, o cümlədən idman dırmanmasını yeniyetmə və gənclər arasında populyarlaşdırmaq və gələcəkdə beynəlxalq yarışlarda ölkəmizi layiqincə təmsil edə biləcək idmançılar yetişdirməkdən ibarətdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
