Fransa həbsxanalarında saxlanılan məhbusların sayı oktyabrın 1-nə rekord həddə; 90,9 min nəfərə çatıb.
Bu barədə ölkənin Ədliyyə Nazirliyinin hesabatına istinadən AFP məlumat yayıb.
Məlumata görə, 2025-ci il oktyabrın 1-dən məhbusların sayı 7,2% artıb. Halbuki həbsxanalardakı yerlərin sayı cəmi 1,5% artaraq 63452-yə çatıb.
Nəticədə həbsxanaların ümumi doluluq səviyyəsi 143,3%, qısamüddətli cəza çəkən və ya məhkəmə hökmünü gözləyən məhbusların saxlanıldığı müəssisələrdə isə 178% təşkil edib.
Fransa Ədliyyə Nazirliyi problemin həlli üçün əlavə 3 min yerlik modul həbsxanalar tikməyi planlaşdırır. Lakin 2018-ci ildə qəbul edilmiş plana əsasən yaradılması nəzərdə tutulan 15 min yerdən indiyədək yalnız 8 mini istifadəyə verilib.
Avropa İnsan Hüquqları Məhkəməsi dəfələrlə Fransadakı həbsxanaların həddindən artıq dolu olmasını, saxlanma şəraitinin pisliyini və vəziyyətin yaxşılaşdırılması istiqamətində tədbirlərin yetərsizliyini tənqid edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
