Lüksemburqda koronavirus pandemiyasına görə yeni məhdudiyyətlərin tətbiqi etirazla qarşılanıb.
APA-nın xəbərinə görə, yüzlərlə insan hersoqluğun mərkəzində “vaksinə yox”, “azadlıq” şüarları səsləndiriblər.
Polis aksiyaya dəyənəklərlə və təzyiqli su şırnağı ilə müdaxilə edib. Saxlananların dəqiq sayı məlum deyil. 4 dekabrdakı aksiyalar kütləvi iğtişaşa çevrildiyi üçün hersoqluq bu dəfə qonşu Belçika polisindən kömək istəyib.