NATO Baş katibi Yens Stoltenberq Norveç Mərkəzi Bankının sədri postuna namizədliyini irəli sürüb və bu vəzifəyə keçəcəyi təqdirdə 6 il bu postda çalışacaq.
APA-nın xəbərinə görə, bu barədə Yens Stoltenberq Norveçin NTB xəbər agentliyinə bildirib.
“Noyabr ayında Norveç Maliyyə Nazirliyi mənimlə əlaqə saxladı və müraciət etməyi düşünüb-düşünməyəcəyimi soruşdu. Bu, məni çox həvəsləndirən bir işdir. Mən Maliyyə Nazirliyinə açıq şəkildə bildirdim ki, bu vəzifəni tutsam, növbəti il oktyabrın 1-nə qədər Bankdakı vəzifəmi icra edə bilməyəcəyəm, çünki NATO-dakı müddətim həmin vaxt bitir”, - deyə Stoltenberq bildirib.
Mərkəzi Bank da Stoltenberqin bu vəzifə üçün müraciət etdiyini təsdiqləyib.
2011-ci ilin yanvarından vəzifədə olan Bankın hazırkı sədri Oeystein Olsen 2022-ci ilin əvvəllərində təqaüdə çıxacaq.
Norveçdən olan Yens Stoltenberq 2014-cü ildən bəri NATO-nun Baş katibidir və gələn il onun Baş katib kimi fəaliyyət müddəti başa çatır. 2022-ci ilin iyun ayında NATO-nun Madriddə keçiriləcək sammitində hərbi bloka yeni Baş katib seçiləcək.
Stoltenberq 2005-2013 və 2002-2014-cü illərdə Norveçin Baş naziri olub. O, həmçinin maliyyə naziri, sənaye və energetika naziri postlarında da çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
