Bakı. Türbət Bağırova - APA. Brüssel polisi "Zaventem" hava limanı və "Maelbek" metrostansiyasında baş verən terror aktları zamanı müşahidə kameralarına düşən 2 şəxsi saxlayıb.
APA-nın TASS agentliyinə istinadən verdiyi xəbərə görə, bu barədə RTL telekanalı məlumat yayıb. “Polisin apardığı əməliyyat nəticəsində bu axşam 6 nəfər saxlanılıb, onlardan ikisi terror aktları zamanı müşahidə kameralarına düşüb”, - deyə telekanalın məlumatında bildirilir.
Prokurorluq xəbəri təsdiqləyib: “Federal prokurorluq tərəfindən aparılan araşdırma çərçivəsində Brüsselin üç kommunasında - Brüssel kapital (şəhər mərkəzi), Jet (şimal-qərb) və Skarbekdə (şimal-şərq) axtarış elan edilib. 6 nəfər saxlanılıb, onların həbs edilməsi barədə qərar bu gün qəbul ediləcək”.
Hüquq-mühafizə orqanlardakı mənbədən isə bildilirib ki, Brüssel və Parisdə baş vermiş terror aktları ilə bağlı Naim əl Hamed adlı şəxs də beynəlxalq axtarışa verilib. Onun fotosu artıq KİV-ə ötürülüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
