Yunanıstanın Saloniki şəhərində hakim "Yeni Demokratiya" partiyasının üzvlərinin evlərinə hücum edilib, nəticədə 5 nəfər xəsarət alıb.
“Associated Press”in xəbərinə görə, hücumlar kustar üsullu hazırlanmış yandırıcı partlayıcı qurğular vasitəsilə həyata keçirilib.
Polisin məlumatına əsasən, üç hücumdan sonuncusu zamanı 5 nəfər yaralanıb, bir neçə avtomobil və motosiklet yandırılıb.
Yanan avtomobillərdən biri "Yeni Demokratiya" partiyasından deputatlığa namizədə məxsus olub. Qadın yanıq xəsarətləri alıb, onun anası isə ağır yanıq xəsarətləri ilə reanimasiya şöbəsinə yerləşdirilib.
Bundan başqa yaşayış binasının daha üç sakini xəsarət alıb.
Yunanıstanda naməlum radikal qruplar tərəfindən dövlət qurumlarına, siyasətçilərin, polis əməkdaşlarının və digər dövlət rəsmilərinin əmlakına qarşı hücumlar tez-tez baş verir. Belə hadisələr əksər hallarda maddi ziyanla nəticələnsə də, insanların xəsarət alması az-az qeydə alınır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
