2022-ci ildə Azərbaycana 32 mln. 706 min dollar dəyərində 48 min 794 ton heyvan yemi idxal olunub.
“APA-Economics”in Dövlət Statistika Komitəsinin hesabatı əsasında apardığı hesablamalara görə, 2021-ci illə müqayisədə bu göstərici həcm baxımından 2.3 dəfə və ya 27 min 804 ton, məbləğ baxımından isə 36.6% və ya 8 mln. 763 min dollar çoxdur. 2021-ci ildə ölkəyə 23 mln. 943 min dollar dəyərində 20 min 990 ton heyvan yemi idxal olunub.
Qeyd edək ki, ötən il heyvan yeminin bir tonunun orta idxal qiyməti 41 % ucuzlaşaraq 670 dollar təşkil edib. Belə ki, 2021-ci ildə heyvan yeminin bir tonunun orta idxal qiyməti 1140 dollara bərabər idi.
Xatırladaq ki,2022-ci ildə Rusiyadan Azərbaycana 7 mln. 561 min dollar dəyərində 25 min 667 ton, Gürcüstandan isə 6 mln. dollar dəyərində 12 min 905 ton heyvan yemi gətirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
