Fransanın Xarici işlər naziri Katrin Kolonna ölkəsinin daha iki vətəndaşının İranda saxlanılma ehtimalı olduğunu bildirib.
APA-nın Tehran bürosunun məlumatına görə, diplomat rəsmi Parisin məsələni araşdırdığını bildirib.
"Biz digər iki vətəndaşımız üçün narahatıq. Bununla bağlı ziddiyyətli məlumatları yoxlamağa çalışırıq" – deyə nazir qeyd edib.
Xatırladaq ki, cümə günü “Le Figaro” qəzeti 2 Fransa vətəndaşının İrandakı son iğtişaşlardan əvvəl həbs olunduğunu iddia etmişdi.