Sabah G7 ölkələrinin Xarici İşlər nazirlərinin video-konfransı keçiriləcək.
APA-nın TASS-a istinadən verdiyi xəbərə görə, bu barədə Yaponiyanın Xarici İşlər naziri Toşimitsu Moteqi mətbuat konfransında deyib.
O bildirib ki, nazirlərin virtual görüşü martın 25-də baş tutacaq. Yaponiya XİN başçısı bu formatda görüşün ilk dəfə keçirildiyini qeyd edib: "Koronavirusun sürətlə yayıldığı belə çətin bir vəziyyətdə bizim fiziki olaraq bir araya gəlməyimiz mümkün deyil".
Nazir bildirib ki, video-konfransda koronavirusla bağlı vəziyyətlə yanaşı, Şimali Koreya, İran və Yaxın Şərqdəki vəziyyət müzakirə olunacaq.
Qeyd edək ki, bu il G7-yə sədrliyi ABŞ edir. Ötən həftə ABŞ Prezidenti Donald Tramp koronavirus pandemiyası səbəbi ilə iyunda Kamp-Deviddəki iqamətgahında keçirilməsi nəzərdə tutulan sammitin ləğv ediləcəyini və görüşün video-konfrans formatında keçiriləcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
