"Şərqi Aralıq dənizində de-eskalasiya hamımızın ortaq marağındadır".
APA-nın xəbərinə görə, bunu Avropa Komissiyasının Prezidenti Ursula von der Leyen "İttifaqın Vəziyyəti" adlı illik çıxışında deyib.
"Son bir neçə gündə kəşfiyyat gəmilərinin Türkiyə limanlarına geri qayıtması bu istiqamətdə müsbət bir addımdır. Bu, ehtiyac duyulan dialoq sahəsi yaratmaq üçün lazımdır. Tək tərəfli hərəkətlərdən çəkinmək və danışıqları həqiqi vicdanla davam etdirmək irəliləyişin yeganə yoludur - sabitliyə və davamlı həllərə aparan yeganə yol!"
Ursula von der Leyen çıxışında deyib ki, Türkiyə Avropanın vacib qonşusudur və bu, belə olaraq qalacaq: "Ancaq xəritədə biz bir-birimizə yaxın olduğumuz halda aramızdakı məsafənin getdikcə böyüdüyü görünür. Bəli, Türkiyə problemli bir regiondadır. Milyonlarla qaçqına ev sahibliyi edir, bunun üçün biz onlara kifayət qədər maliyyə dəstəyi göstəririk", - Ursula von der Leyen qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
