“Mançester Yunayted” hücumçusu Kriştiano Ronaldo ilə müqaviləni pozub.
Apasport.az saytının xarici mətbuata istinadən məlumatına görə, portuqaliyalı superulduzun qalmaqallı müsahibəsi buna səbəb olub.
İngiltərə klubu Ronaldo ilə sözləşmənin vaxtından əvvəl ləğvi istiqamətində ilk hüquqi addımlarını atıb. “Qırmızı şeytanlar” forvardın ictimaiyyət qarşısında klubu və rəhbərliyi tənqid edərək müqavilənin şərtlərini pozduğunu düşünür. Bu səbəbdən də “Mançester Yunayted” ona təzminat ödəməməyə çalışır. Bu baş verərsə, Ronaldo 18,4 milyon avroluq təzminatdan məhrum qalacaq. Premyer Liqa təmsilçisi həmin məbləği cərimələrlə sıfırlamağı planlaşdırır.
Qeyd edək ki, Kriştiano Ronaldo son müsahibəsində “Mançester Yunayted”in ona xəyanət etdiyini açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
