Futbol üzrə Belçika çempionatının qalan oyunları keçirilməyəcək.
Apasport.az saytını məlumatına görə, koronavirus pandemiyası səbəbindən dayandırılan yarış vaxtından əvvəl yekunlaşdırılacaq.
Belçika Milli Təhlükəsizlik Şurası ölkədə peşəkar futbol yarışlarının iyulun 31-dək keçirilməsini qadağan edib. Bu isə yüksək liqa və ölkə kubokunun dayandırılması deməkdir. Son qərar mayın 15-də veriləcək. Həmin gün “Brügge”nin çempionluğunun rəsmiləşəcəyi, həmçinin növbəti mövsüm avrokuboklarda iştirak edəcək komandaların adlarının açıqlanacağı gözlənilir.
Belçikada növbəti mövsümün avqustun 8-də başlaması planlaşdırılır.
Qeyd edək ki, daha öncə Avropanın aparıcı ölkələrindən Fransa və Niderland da eyni addımı atıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
