“Qalatasaray” daha 2 transferini açıqlayıb

“Qalatasaray” daha 2 transferini açıqlayıb
  • Clock-gray 21:38
  • calendar-gray 31 Yanvar 2021

Türkiyənin “Qalatasaray” klubu daha iki futbolçunu transfer edib.

Apasport.az saytının məlumatına görə, İstanbul təmsilçisi bir müddətdir danışıq apardığı Deandre Yedlin və Gedson Fernandesi heyətinə qatdığını açıqlayıb.

İngiltərə klubu “Nyukasl”dan pulsuz alınan 28 yaşlı sağ cinah müdafiəçisi Yedlin yeni komandası ilə 3,5 illik müqaviləni razılaşdırıb. ABŞ millisinin üzvü bu gecə Türkiyəyə yollanacaq. 

İngiltərənin digər klubu “Tottenhem”in icarə müqaviləsinə xitam verdiyi yarımmüdafiəçi Fernandes isə müqavilə ilə məxsus olduğu “Benfika”ya qayıtmayıb. Çünki Portuqaliya təmsilçisi 22 yaşlı yerli futbolçunu mövsümün sonuna qədər “cim-bom”a icarəyə verib.

Qeyd edək ki, “Qalatasaray” qış fasiləsində buna qədər Henri Onyekuru və Halil Dərvişoğlunu transfer edib.

ApaSport

Digər xəbərlər