Lənkəranda zəncirvari yol qəzası olub.
APA-nın cənub bürosunun verdiyi məlumata görə, hadisə köhnə Ələt-Astara avtomobil yolunun Lənkəran rayonunun Şilavar kəndi ərazisindən keçən hissəsində qeydə alınıb.
90-OV-097 dövlət qeydiyyat nömrə nişanlı, "NİVA" markalı minik avtomobili, 44-BG-327 dövlət qeydiyyat nömrə nişanlı, "VAZ-2106" markalı minik avtomobili, 90-TP-707 nömrə nişanlı, "Mitsubishi Pajero" markalı avtomobil və 99-XD-943 nömrə nişanlı, "Ford Transit" markalı yük avtomobili toqquşub. Sürücülərdən biri - Masallı rayon sakini, 1984-cü il təvəllüdlü Cavid Mircavad oğlu Kazımov və piyada Gülnaz Fərman qızı Cahangirova müxtəlif dərəcəli bədən xəsarətləri alaraq Lənkəran Mərkəzi rayon xəstəxanasına çatdırılıblar.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
