Lənkəranda minik avtomobili divara çırpılıb. Xəsarət alan var.
APA-nın Cənub bürosunun verdiyi xəbərə görə, hadisə səhər saatlarında Lənkəran - Boradigah yolunun Veravul kəndi ərazisindən keçən hissəsində qeydə alınıb.
Hərəkətdə olan "VAZ 21015" markalı minik avtomobil, idarəetməni itirərək divara çırpılıb.
Qəza nəticəsində 1999-cu il təvəllüdlü Elşad Qılman oğlu Musazadə müxtəlif dərəcəli bədən xəsarətləri alıb. Yaralı təcili tibbi yardım maşını ilə Lənkəran rayon Mərkəzi Xəstəxanasına çatdırılıb.
Faktla bağlı araşdırma aparılır.