Bakı-Qazax magistralında baş verən qəza nəticəsində Ucar rayonunun bır sıra kəndlərinin elektrik enerjisi təchizatında yaranan problem aradan qaldırılıb.
Bu barədə APA-ya “Azərişıq” ASC-dən məlumat verilib.
Xəbərə görə, kəndlərə elektrik enerjisinin verilişi bərpa olunub.
***
12.48
Bakı-Qazax magistral yolunda qəza baş verib.
APA-nın yerli bürosunun xəbərinə görə, hadisə bu gün səhər saatlarında, yolun Ucar rayonunun Qarabörk kəndindən keçən hissəsində qeydə alınıb.
Bakı şəhər sakini, 1959-cu il təvəllüdlü Xaliq Qulam oğlu Qulamovun idarə etdiyi "Nissan" markalı minik maşını idarəetmədən çıxaraq əvvəlcə beton arakəsməyə çırpılıb. Daha sonra yol kənarındakı, KRN-10 tipli vakuum açarlarına dəyərək onu aşırıb. Hadisə zamanı xəsarət alan olmasa da, rayonun - Qarabörk, Qulabənd, Küçəkənd, Alpı və Ənvər Məmmədxanlı kəndlərinə elektrik enerjisi verilişi dayandırılıb.
Həmin kəndlərə elektrik enejisi verilişi hələ də bərpa olunmayıb.