Maliyyə

Ana səhifə

Maliyyə

Azərbaycan Milli Bankı «Naxçıvanbank»a lisenziya verib

05 avqust 2008 15:50 (UTC +04:00)

Bakı. Rəşad Süleymanov – APA-Economics. Mərkəzi ofisi Naxçıvan şəhərində yerləşən «Naxçıvanbank» ASC-yə bank lisenziyası verilib. Azərbaycan Milli Bankının mətbuat xidmətindən «APA-Economics»ə verilən məlumata görə, Milli Bankın İdarə Heyətinin qərarı ilə «Naxçıvanbank» bank xidmətləri göstərə biləcək.
Qeyd edək ki, «Naxçıvanbank» ASC bu ilin may ayında Azərbaycan Vergilər Nazirliyi tərəfindən qeydiyyata alınıb. Yeni kommersiya bankının nizamnamə kapitalı 10 mln. manat, səhmlərin ümumi sayı 1 mln. ədəd, bir səhmin nominal dəyəri isə 10 manat təşkil edir. «Naxçıvanbank» ASC-nin təsisçiləri rolunda 7 fiziki şəxs çıxış edir. Bunlar Talıbov Vüqar İlqar oğlu (100 min səhm, 10%), Sultanova Sevil Rza qızı (100 min səhm, 10%), Abbasov Vüqar Zakir oğlu (300 min səhm, 30%), Emin Uçar Rəsul oğlu (Türkiyə vətəndaşı, 300 min səhm, 30%), Teymurov Vurğun Bəbir oğlu (50 min səhm, 5%), Əliyeva Tünzalə Meydan qızı (50 min səhm, 5%) və Talıbov Rza Vasif oğludur (100 min səhm, 10%). Bankın Müşahidə Şurasının üzvləri kimi Mircavadova Xuraman Abbas qızı, Kazımov Vasif Əli oğlu və Babayev Əlidadaş Adil oğlu qeydiyyata alınıb. «Naxçıvanbank»ın baş ofisi Naxçıvan şəhəri, N. Əliyev küçəsi, 3 ünvanında yerləşir.
Qeyd edək ki, «Naxçıvanbank» ASC Azərbaycanda baş ofisi bölgədə yerləşən ikinci bank təşkilatıdır. Gəncədə «Gəncəbank» SKB fəaliyyət göstərir.

«Naxçıvanbank»