Qazaxıstan Prezidenti Kasım-Jomart Tokayev Rusiya vətəndaşlarının kütləvi axını fonunda təhlükəsizlik tədbirlərini gücləndirmək barədə qərar verib.
APA bu barədə Qazaxıstan prezidentinin mətbuat xidmətinə istinadən xəbər verir.
Daxili işlər naziri Marat Axmetjanov Prezident Kasım-Jomart Tokayevlə görüşdə Rusiya Federasiyası vətəndaşlarının gəlişi fonunda görülən təhlükəsizlik tədbirləri barədə danışıb, kriminogen vəziyyətin sabit olduğunu deyib.
Sentyabrın 21-də qismən səfərbərlik elan olunandan bəri Qazaxıstana 98 min Rusiya vətəndaşı daxil olub.