Rusiya sərhədləri yaxınlığında qərb strateji istiqamətdə vəziyyət hərbi təhdidlərin artması ilə xarakterizə olunur.
APA-nın Moskva müxbirinin məlumatına görə, bunu Rusiyanın müdafiə naziri Sergey Şoyqu MN-nin kollegiya iclasında bildirib.
"Son səkkiz ildə ABŞ-ın strateji bombardmançı təyyarələrinin Avropada uçuşlarının intensivliyi 15 dəfə (ildə 3-dən 45-ə) artıb. İdarə olunan raket silahları ilə təchiz olunmuş Amerika gəmilərinin Baltik dənizinə səfərləri sistemli xarakter alıb”, - deyə Rusiya müdafiə naziri vurğulayıb.
Şoyqu qərb sərhədlərindəki təhdidlərə cavab məqsədilə 2022-ci ilin sonuna qədər Qərb Hərbi Dairəsində 12 yeni hərbi hissə və bölmənin yaradılacağını söyləyib.