Qoruqlarda "Avropa İrs Günləri" qeyd olunacaq

Qoruqlarda "Avropa İrs Günləri" qeyd olunacaq
  • Clock-gray 12:06
  • calendar-gray 16 Sentyabr 2019

Sentyabırın 19 və-20-də Mədəniyyət Nazirliyi yanında Mədəni İrisin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən qoruqlarda "Avropa İrs Günləri" layihəsinə həsr olunmuş tədbirlər keçiriləcək.

APA-nın məlumatına görə, tədbirlər Qobustan Milli Tarix-Bədii Qoruğu, “Keşikçidağ” Dövlət Tarix-Mədəniyyət Qoruğu, “Avey” Dövlət Tarix-Mədəniyyət Qoruğu, Gəncə Dövlət Tarix-Mədəniyyət Qoruğu, Qəbələ Dövlət Tarix-Bədii Qoruğu, Zaqatala Tarix-Mədəniyyət Qoruğu və Quba şəhərində “Soyqırım memorial kompleksi”nidə də geniş qeyd olunacaq. 

“Avropa İrs Günləri” çərçivəsində qoruqlarda “Açıq qapı” günləri və mədəni irsin qorunmasına həsr olunmuş maarifləndirici tədbirlər təşkil ediləcək. Ziyarətçilərin qoruqlara girişi ödənişsiz olacaq.

Qeyd edək ki, Avropa Şurasının və Avropa İttifaqının birgə layihəsi olan “Avropa İrs Günləri” hər il sentyabrın sonlarında qeyd olunur. Rəsmi açılışlar, maarifləndirici kampaniyalar, “Açıq qapı” günləri, folklor gecələri və etnoqrafik şənliklər formasında keçirilən tədbirlər Avropa sakinlərinin iştirak etdiyi ən irimiqyaslı mədəniyyət hadisəsi hesab olunur. Layihənin əsas məqsədi yerli və əcnəbi ziyarətçilərin mədəni irs obyektlərinə sərbəst girişini təmin etmək, tarix və mədəniyyət abidələrinin qorunması məsələlərinə geniş ictimaiyyətin diqqətini cəlb etmək və milli mədəni irsi təbliğ etməkdir. 

Mirmehdi Ağaoğlu

Digər xəbərlər

Arxiv

date