"Teas Press" "Ən yaxşı nəşriyyat" seçilib

"Teas Press" "Ən yaxşı nəşriyyat" seçilib
  • Clock-gray 10:40
  • calendar-gray 30 Sentyabr 2019

"Teas Press" nəşriyyatı "Ən yaxşı nəşriyyat" mükafatı ilə təltif edilib.

APA-nın məlumatına görə, VI Bakı Beynəlxalq Kitab-Sərgi Yarmarkasının Təşkilat Komitəsinin qərarına əsasən nəşriyyat sərgidə xüsusi stendi və fəaliyyəti ilə seçildiyi üçün bu mükafata layiq görülüb.

Şərəf Cəlillininin "Seyid İmadəddin Nəsimi: həqq idi, həqq söylədi, həqq dedi" kitabı isə "Ən yaxşı nəşr" mükafatına layiq görülüb.

Qeyd edək ki, sentyabrın 27-dən 29-dək Bakı İdman Sarayında Mədəniyyət Nazirliyinin təşkilatçılığı ilə VI Bakı Beynəlxalq Kitab Sərgi-Yarmarkası keçirilib. 

Sərgi-yarmarkada nəşriyyat-poliqrafiya müəssisələri, kitab evləri və digər aidiyyəti qurumlar çap məhsullarını nümayiş etdirmək, satmaq, yerli və xarici nəşriyyatlar, müəlliflər və milli nəşriyyat-poliqrafiya müəssisələri ilə danışıqlar aparmaq, müqavilələr bağlamaq imkanı qazanıblar.

Mirmehdi Ağaoğlu

Digər xəbərlər

Arxiv

date