Bu gün növbəti köç karvanı Bakıdan Laçına yola düşüb.
APA-nın Qarabağ bürosu xəbər verir ki, bu gün səhər saatlarında Bakı şəhərinin Qaradağ rayonundakı “Qobu park 3” yaşayış kompleksindən Laçına yola salınan 13 ailə - 44 nəfər daimi qeydiyyat ünvanlarına çatıblar.
Laçın şəhərində ailələrin qarşılanması mərasimində Qaçqınların və Məcburi Köçkünlərin İşləri üzrə Dövlət Komitəsinin, Şərqi Zəngəzur iqtisadi rayonuna daxil olan Laçın rayonunda Azərbaycan Prezidentinin xüsusi nümayəndəliyinin və Laçın rayоn İcra Hakimiyyətinin rəsmiləri iştirak ediblər.
18 may 1992-ci ildə Ermənistan silahlı birləşmələrinin hücumu nəticəsində bütün mülklərini və eləcə də dədə - baba torpaqlarını qoyub çıxmaq məcburiyyətində qalan laçınlı ailələr, Laçın şəhərində vaxtilə yaşadıqları, işğala son qoyulduqdan sonra bərpa edilən və ya yenidən tikilən evlərdə yerləşdirilib.
Qeyd edək ki, Ermənistan silahlı qüvvələri Laçın şəhərini 2022-ci il avqustun 25-də boşaldıb. Şəhər Azərbaycan Ordusunun nəzarətinə keçdikdən sonra, Azərbaycan Respublikasının Prezidenti İlham Əliyevin göstərişi ilə yenidən tikilməyə başlayıb. Ermənilərin şəhəri tərk etdiyi zaman yandırdığı və dağıtdığı bütün evlər yenidən tikilib. May ayının 28-dən bu günə Laçın şəhərində 55 ailənin, yəni 213 nəfərin daimi məskunlaşması təmin edilib.
***
07.24
İyunun 19-da növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən Laçına yola salınıb.
APA xəbər verir ki, bu mərhələdə Laçın şəhərinə daha 13 ailə - 44 nəfərin köçürülməsi baş tutub.
Köçürülən ailələr, Laçın şəhərində vaxtilə yaşadıqları, işğala son qoyulduqdan sonra dövlətimizin başçısının göstərişi əsasında bərpa edilən və ya yenidən tikilən evlərdə məskunlaşacaqlar.
Laçın şəhərinə ailələrin yola salınması mərasimində Qaçqınların və Məcburi Köçkünlərin İşləri üzrə Dövlət Komitəsinin, Şərqi Zəngəzur iqtisadi rayonuna daxil olan Laçın rayonunda Azərbaycan Prezidentinin xüsusi nümayəndəliyinin və Laçın Rayоn İcra Haкimiyyətinin rəsmiləri işitirak ediblər.
Bununla da, Laçın şəhərində 55 ailə, yəni 213 nəfərin daimi məskunlaşması təmin edilib.
***
Saat 07:00
Bu gün Laçın şəhərinə növbəti köç başlayır.
APA xəbər verir ki, bu gün daha 15 ailə (48 nəfər) doğma yurduna geri dönür.
Qeyd edək ki, köç saat 07:00-da Qaradağ rayonundakı “Qobu park 3” yaşayış kompleksindən Laçına yola salınıb.
Xatırladaq ki, daha əvvəl Laçın şəhərinə 42 ailə (169 nəfər) köçürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
