Azərbaycanda məhkəmə ekspertlərinə ixtisas dərəcəsi veriləcək

Azərbaycanda məhkəmə ekspertlərinə ixtisas dərəcəsi veriləcək
  • Clock-gray 12:13
  • calendar-gray 15 Noyabr 2019

Azərbaycanda məhkəmə ekspertlərinə ixtisaslaşmasından və hazırlıq səviyyəsindən asılı olaraq ixtisas dərəcəsi veriləcək.

APA-nın məlumatına görə, bununla bağlı “Məhkəmə ekspertizası fəaliyyəti haqqında” qanuna dəyişiklik təklif edilir.

Belə ki, qanuna yeni 11-2-ci maddə ( Məhkəmə ekspertlərinin attestasiyası) əlavə olunur. 

Yeni maddəyə görə, attestasiya nəticəsində məhkəmə ekspertizası idarələrinin ekspertlərinə ixtisaslaşmasından və hazırlıq səviyyəsindən asılı olaraq ixtisas dərəcəsi verilir.

Attestasiyanın keçirilməsi və ixtisas dərəcəsinin verilməsi qaydalarını müvafiq icra hakimiyyəti orqanı müəyyən edir.

“Məhkəmə ekspertizası fəaliyyəti haqqında” qanuna dəyişiklik Milli Məclisin noyabrın 19-da keçiriləcək plenar iclasında I oxunuşda müzakirə ediləcək.

Mirmahmud Kazımoğlu

Digər xəbərlər

Arxiv

date