ETSN yanında İctimai Şuraya yeni sədr seçilib

ETSN yanında İctimai Şuraya yeni sədr seçilib
  • Clock-gray 18:21
  • calendar-gray 08 Noyabr 2019

Bu gün Ekologiya və Təbii Sərvətlər Nazirliyi (ETSN) yanında İctimai Şuranın növbəti iclası keçirilib.

APA-nın xəbərinə görə, Ekoloji maarifləndirmə və ictimaiyyətlə əlaqələr şöbəsinin müdiri Səyyarə Məmmədova bildirib ki, iclasda Qafqaz Regional Ekoloji Mərkəzin rəhbəri Mələk Şükürova İctimai Şuranın sədri, Sudan İstifadə Sahəsində Mütəxəssislər İctimai Birliyinin üzvü Amin Məmmədov sədr müavini, Azərbaycan Respublikası Gənclər Təşkilatları Milli Şurasının sədri Məryəm Məcidova isə katib seçilib.

O qeyd edib ki, ETSN yanında 2010-cu ildən fəaliyyət göstərən və vətəndaş cəmiyyəti təmsilçiləri üçün açıq olan İctimai Şura respublikada həlli vacib olan ekoloji problemlərin aradan qaldırılması, ictimaiyyətin, qeyri-hökumət təşkilatlarının iştirakı ilə bu sahədə birgə təkliflərin hazırlanması, müzakirə edilməsi və effektivliyin təmin olunması məqsədilə yaradılıb.

apa-logo-mini

Digər xəbərlər

Arxiv

date