2021-ci ildə Azərbaycan ikitərəfli əlaqələri inkişaf etdirib, bu istiqamətdə ardıcıl işlər görülüb.
APA-nın xəbərinə görə, bunu Azərbaycanın xarici işlər naziri Ceyhun Bayramov 2021-ci ilin yekunlarına dair mətbuat konfransında deyib.
Onun sözlərinə görə, il ərzində 10 ölkənin XİN başçısı Azərbaycana rəsmi səfərə, 8 ölkənin XİN başçısı isə işgüzar səfərə gəlib.
Nazir diqqətə çatdırıb ki, Azərbaycan beynəlxalq tərəfdaşlarla 27 yeni müqavilə imzalayıb, eyni zamanda, indiyədək imzalanmış 17 müqavilə təsdiqlənərək qüvvəyə minib.