Türkiyənin PUA-ları Qarabağ zəfərindən Liviyaya, terrorla mübarizədən xüsusi əməliyyatlara qədər geniş bir sahədə əldə etdikləri uğurla dünyadakı müharibə qaydalarını dəyişdirir.
APA-nın İstanbul müxbiri xəbər verir ki, bu barədə Türkiyə Prezidenti Rəcəb Tayyib Ərdoğan Türkiyənin ilk tam olaraq yerli istehsalı olan yeni nəsil “Fırtına” haubitsasının təqdimat mərasimində çıxışı zamanı bildirib.
O qeyd edib ki, təqdim olunan “Fırtına” və PUA-lar artıq terrorçuların kabusuna çevrilib.
“Suriyada əməliyyatlarımız çərçivəsində onların nə qədər vacib olduğunu gördük. 2023-cü il müjdələrlə dolu və vacib il olacaq. Milli döyüş təyyarəmiz anqardan çıxacaq. Təlim və yüngül hücum təyyarəmiz “Hürjet” ilk uçuşunu edəcək və dünyanın ilk pilotsuz gəmisi olacaq “Anadolu” da təhvil veriləcək”, - Türkiyə lideri vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
