Polşanın yeni səfiri Azərbaycana gəlib

Polşanın yeni səfiri Azərbaycana gəlib
  • Clock-gray 11:00
  • calendar-gray 31 Yanvar 2020

Polşanın Azərbaycana təyin olunan səfiri Azərbaycan gəlib.

APA-nın xəbərinə görə, bu barədə Polşanın Azərbaycandakı səfirliyinin "Facebook" səhifəsində məlumat verilib.

“Səfir Rafal Poborski Azərbaycanda diplomatik fəaliyyətinə başlayır”, - deyə bildirilib.

Qeyd olunub ki, polşalı diplomat Xarici İşlər Nazirliyinin (XİN) Dövlət Protokolu İdarəsinin rəisi səfir Pərvin Mirzəzadə ilə görüşüb. Görüşdə ikitərəfli münasibətlərin forması və dinamikasının artırılması imkanları barədə müzakirə aparılıb.

 

Xatırladaq ki, Rafal Poborski iyul ayında Polşanın Azərbaycandakı səfiri təyin olunub. O, bu vəzifədə Marek Tsalkanı əvəz edib. Rafal Poborski 1976-cı ildə doğulub. Varşava Universitetinin şərqşünaslıq fakültəsini bitirən diplomat 2005-2006-cı illərdə Polşa XİN-in Avropa departamentində attaşe, 2006-2016-cı illərdə isə Şərq Siyasəti Departamentində çalışıb. O, 2016-cı ildə “EXPO-2012” Beynəlxalq Sərgi Təşkilatının diplomatik dəstək üzrə işçi qrupunun üzvü olub.

Zümrüd Paşkin

Digər xəbərlər