İranda “Bəsic” üzvlərinə qarşı silahlı hücum olub.
APA-nın Tehran bürosunun məlumatına görə, bu barədə İran İslam İnqilabı Keşikçilər Korpusundan (SEPAH) bildirilib.
Məlumata görə, ötən gecə Kürdüstan əyalətinin Sərvabad şəhərinin Uraman bölgəsində “Bəsic” üzvlərindən 2 nəfər ölüb, 1 nəfər yaralanıb.
Qeyd olunub ki, hadisə “Bəsic” üzvləri ərazidə koronavirusla mübarizə ilə əlaqədar insanlara yardım paylayan zaman baş verib.
SEPAH cinayəti törədənlərin cəzalandırılacağını bildirib.