Azərbaycanlılar BBC-nin Mançesterdəki binası qarşısında aksiya keçirib

Azərbaycanlılar BBC-nin Mançesterdəki binası qarşısında aksiya keçirib

© APA | Azərbaycanlıların BBC-nin Mançesterdəki binası qarşısında aksiyası

# 21 iyun 2021 13:39 (UTC +04:00)

Böyük Britaniyada fəaliyyət göstərən "Natavan Qrup"u və Britaniya Azərbaycanlıları Assosiasiyasının birgə təşkilatçılığı ilə BBC teleradioyayım korporasiyasının Mançester şəhərindəki binası qarşısında aksiya keçirilib.

Diasporla İş üzrə Dövlət Komitədən APA-ya verilən məlumata görə, aksiya Kəlbəcər rayonunda xidməti vəzifələrini yerinə yetirən azərbaycanlı jurnalistlər Məhərrəm İbrahimovun və Sirac Abışovun mina partlayışı nəticəsində həlak olmasına diqqət cəlb etmək məqsədi ilə təşkil olunub.

Aksiyaya qatılan soydaşlarımız Ermənistanın müharibə cinayətlərini, eləcə də Azərbaycanın işğaldan azad edilmiş torpaqlarının minalardan təmizlənməsi üçün xəritələrin verilməsinə dair çağırışları əks etdirən posterlər nümayiş etdiriblər. Posterlərdə “Mina xəritələrini verin”, “Azərbaycanlı jurnalistlərə qarşı Ermənistanın müharibə cinayətləri”, “Ermənistan qanunlara əməl etmir”, “Ermənistan azərbaycanlı jurnalistlərin qatilidir”, “Bizi minalardan xilas edin” şüarları əks olunub.  

Aksiya iştirakçıları hazırladıqları bəyanatı BBC rəsmisinə təqdim edib və  beynəlxalq ictimaiyyəti Ermənistanın təxribatçı hərəkətlərinə, azərbaycanlı jurnalistlərin xidməti vəzifələrini yerinə yetirərkən həlak olmasına biganə qalmamağa, ölkəmizin haqlı və ədalətli mövqeyini müdafiə etməyə çağırıblar.

Aksiya zamanı yerli sakinlərə Ermənistanın törətdiyi hərbi cinayətlər və təxribatlar barədə ətraflı məlumat verilib.

#
#

ƏMƏLİYYAT İCRA OLUNUR