Beyləqanda ölümlə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən APA-ya verilən məlumata görə, aprelin 25-də saat 10 radələrində Beyləqan şəhəri ərazisində şəhər sakinləri, əvvəllər məhkum olunmuş Y.Cuvarlının idarə etdiyi “VAZ-21154” və S.Bayramovun idarə etdiyi “Mercedes” markalı avtomobillər toqquşub.
Nəticədə Y.Cuvarlının xəsarət almış sərnişini Könül Cəfərova xəstəxanaya yerləşdirilib və aprelin 26-da orada ölüb.
Beyləqan RPŞ tərəfindən araşdırma aparılır.