Sabah Belarusda Azərbaycan Mədəniyyət Günlərinin açılış mərasimi keçiriləcək
21 may 2007 13:06 (UTC +04:00)
Mayın 22-dən 24-nə kimi Belarusda Azərbaycanda Mədəniyyət Günləri keçiriləcək. Mədəniyyət və Turizm Nazirliyinin mətbuat katibi İntiqam Hümbətov APA-ya bildirib ki, mədəniyyət günlərində mədəniyyət və turizm naziri Əbülfəs Qarayevin rəhbərliyi altında 80 nəfərlik nümayəndə heyəti iştirak edəcək. Üç günlük proqramda Ağaverdi Paşayevin rəhbərliyi ilə Dövlət Xalq Çalğı Alətləri Orkestrinin ifasında Vasif Adıgözəlovun “Bayram süita”sı, Azərbaycan Dövlət Rəqs Ansamblının ifasında “Qarabağ”, “Nəlbəki”, “Cəngi”, “Yallı”, “Odlar Yurdu” rəqsləri nümayiş etdiriləcək. Mədəniyyət günlərində sənətçilər Teyyub Aslanov, Aygün Bayramova, Gülnaz İsmayılova, Azər Zeynalov, estrada müğənniləri Aygün Kazımova və Faiq Ağayev çıxış edəcəklər. Mərasimin sonunda nümayəndə heyətinin ifasında Rauf Hacıyevin “Azərbaycan” konserti ifa olunacaq. İ.Hümbətov bildirib ki, Mədəniyyət Günləri çərçivəsində Azərbaycanın müasir, klassik və gənc rəssamlarının əsərlərindən ibarət sərgi də təşkil olunacaq. Belarusdan sonra Moldovada 26-28-i may aralığında Azərbaycan Mədəniyyət Günləri keçiriləcək. Moldovada təmsil olunacaq nümayəndə heyətinə mədəniyyət və turizm nazirinin müavini Ədalət Vəliyev rəhbərlik edəcək. /APA/
İncəsənət
Azərbaycanlı rəssam Cahid Camala həsr olunmuş bədii albomun təqdimatı keçirilib - FOTO - VİDEO
10:00
4 may 2024
Fidan Hacıyevanın I Beynəlxalq Opera Festivalı çərçivəsində Gəncə Dövlət Filarmoniyasinda konserti olub - FOTO
22:38
3 may 2024
“Urbanda görüşərik” layihəsi çərçivəsində Məhəmməd Füzuli yad edilib - FOTO
23:41
2 may 2024
"Gəncədən Bakıya" layihəsi çərçivəsində növbəti konsert keçirilib
15:10
1 may 2024