İncəsənət

Ana səhifə

İncəsənət

30 iyun Sevgililər Günü münasibətilə tədbir keçirilib

29 iyun 2007 11:21 (UTC +04:00)

Bu gün 30 iyun Sevgililər Günü münasibətilə tədbir keçirilib. APA-nın məlumatına görə, tədbirdə Sevgililər Gününün qəhrəmanları İlham və Fərizənin toy günü münasibətilə “Xural” qəzetinin baş redaktoru Əvəz Zeynallının “Tanrı Günü - 30 İyun Sevgililər Günü” kitabı, “Sevgililər Günü Plakatı” hədiyyəsinin təqdimat mərasimi keçirilib. APA-nın məlumatına görə, tədbirdə çıxış edən Ə. Zeynallı ötən illərdə olduğu kimi bu il də, Sevgililər Günün xüsusi rolu və əməyi olan insanların “Sevgililər Günü” Təşkilat Komitəsinin qərarı ilə “Sevgi” mükafatına layiq görüldüyünü bildirib. Onun sözlərinə görə, mükafata layiq görülən insanlar arasında İlham və Fərizənin anası, Fərizənin qardaşının həyat yoldaşı Səadət Nəbiyeva, İlhamın qardaşı Elxan Allahverdiyev, xalq artisti Flora Kərimova və müğənni Aslan Hüseynov var. Ə. Zeynallı bildirib ki, bu tədbirlərin yekunu olaraq iyunun 30-da “Sevgililər gəzintisi” olacaq və Şəhidlər Xiyabanında İlham və Fərizənin qəbiri ziyarət olunacaq. Tədbirdə mükafata layiq görülən şəxslərə mükafatlar təqdim olunub. /APA/