Ermənistanın Baş naziri Nikol Paşinyanın ötən gün səfəri zamanı etirazların baş verdiyi Mehri şəhərinin meri Mxitar Zakaryan barəsində cinayət işi başlanıb.
APA-nın “Sputnik Armenia”ya istinadən verdiyi xəbərə görə, bu barədə Ermənistan İstintaq Komitəsinin rəsmisi məlumat verib.
Mehri şəhərinin meri barəsində Ermənistan Cinayət Məcəlləsinin 258-ci maddəsinin 1-ci və 3-cü bəndləri (xuliqanlıq, bir qrup şəxs tərəfindən ictimai asayişin qəsdən pozulması), 316-cı (hökumət nümayəndəsinə qarşı zor tətbiq etmə) maddələri ilə cinayət işi başladılıb.
M. Zakaryanın vəkili Qayane Papoyan bildirib ki, mer polisin müşayiəti ilə paytaxt İrəvana gətirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
