MDB

Ana səhifə

MDB

Metyu Brayza: “Gürcüstan rəhbərliyi iki-üç gün ərzində fövqəladə vəziyyət rejimini ləğv etmək niyyətindədir”

13 noyabr 2007 15:36 (UTC +04:00)

Gürcüstan rəhbərliyi yaxın 2-3 gün ərzində ölkədə elan olunmuş fövqəladə vəziyyət rejimini ləğv etmək niyyətindədir. APA-nın Gürcüstan bürosunun xəbərinə görə, bunu ABŞ dövlət katibinin müavininin köməkçisi Metyu Brayza Tiflisdə Gürcüstan parlamentinin sədri Nino Burcanadze ilə keçirdiyi qapalı görüşdən sonra deyib. O bildirib ki, spiker ona fövqəladə vəziyyətin böyük ehtimalla noyabrın 16-da ləğv olunacağını söyləyib. M. Brayza qarşıdakı prezident seçkilərində ABŞ-ın konkret heç bir namizədi dəstəkləməyəcəyini və bunun mümkün olmadığını açıqlayıb: “ABŞ Gürcüstanda demokratiyanın oturuşması prosesini dəstəkləyir və ölkənin siyasi taleyini seçicilərin həll etməsində maraqlıdır”. /APA/