“Səhiyyə xərclərimiz ildən-ilə artmaqdadır. Son 5 il ərzində bu xərcləri 2,5 dəfə artırmışıq”.
APA-nın məlumatına görə, bunu Milli Məclisin bu gün keçirilən iclasında maliyyə naziri Samir Şərifov deyib.
Nazir bildirib ki, digər tərəfdən ÜDM-də səhiyyə xərclərinin ümumi çəkisi digər ölkələrlə müqayisədə azdır: “Bizim artacaq xərclərimizə bir çox sahələr üzrə baxmalıyıq. Xərclərin artması maliyyə təminatı yarada bilər, ancaq bunun nəticəsində nə alacağımıza baxmalıyıq. Səhiyyə Nazirliyi və TƏBİB-in xətti ilə təmin edilən səhiyyə müəssisələri üçün avadanlıqların alınmasına, bərpasına vəsait ayrılır”.