Xoşbəxt Yusifzadə və Roald Saqdeyev “Nizami Gəncəvi adına Qızıl medal”a layiq görülüblər

Xoşbəxt Yusifzadə və Roald Saqdeyev “Nizami Gəncəvi adına Qızıl medal”a layiq görülüblər
# 05 aprel 2018 15:01 (UTC +04:00)

Azərbaycan Milli Elmlər Akademiyası (AMEA) Rəyasət Heyətinin bu gün keçirilmiş iclasında “Nizami Gəncəvi adına Qızıl medal” müsabiqəsinin nəticələri açıqlanıb.

Akademiyadan APA-ya verilən xəbərə görə, AMEA-nın prezidenti, akademik Akif Əlizadə müsabiqədə iştirak etmək üçün namizədliyi irəli sürülmüş alimlər haqqında təqdimatların müvafiq sənədlərlə birlikdə Ekspert Komissiyasına təqdim olunduğunu və Qızıl medala layiq görülən namizədlərin seçilərək onlar haqqında rəylərin Rəyasət Heyətinə təqdim edildiyini bildirib.

Müsabiqənin nəticələrinə görə neft və qaz kondensant yataqlarının kəşfi və işlənilməsi sahəsində elmi konsepsiyanın hazırlanmasına görə akademik Xoşbəxt Yusifzadə və qeyri-xətti plazma nəzəriyyəsi, idarəolunan termonüvə sintezi və kosmik fizika sahəsində elmi konsepsiyanın işlənilməsinə görə Rusiya Elmlər Akademiyasının həqiqi üzvü Roald Saqdeyev "Azərbaycan Respublikasının Nizami Gəncəvi adına Qızıl medalı"na layiq görülüblər.

Rəyasət Heyəti adları çəkilən alimlərin medalla təltif olunması və hər birinə 10 min manat məbləğində pul mükafatının verilməsi barədə qərar qəbul edib.

#
#

ƏMƏLİYYAT İCRA OLUNUR