Sosial

Ana səhifə

Sosial

İşgəncənin qarşısının alınması üzrə Avropa Komitəsinin sədri Lətif Hüseynovun rəhbərlik etdiyi nümayəndə heyəti Rusiyada səfərdə olub

06 iyun 2012 14:46 (UTC +04:00)

Bakı – APA. İşgəncənin qarşısının alınması üzrə Avropa Komitəsinin sədri Lətif Hüseynovun rəhbərlik etdiyi nümayəndə heyəti mayın 21-dən iyunun 5-dək Rusiyanın Moskva və Sankt-Peterburq şəhərlərində, Vladimir vilayətində, Tatarıstan, Başqırdıstan və Udmurtiya respublikalarında yerləşən polis məntəqələrində, istintaq təcridxanalarında və həbsxanalarda monitorinq keçirib. L. Hüseynovun APA-ya verdiyi məlumata görə, monitorinqlərdə polis tərəfindən saxlanılmış şəxslərlə rəftar, həbs yerlərindəki şərait və istintaq təcridxanalarında tətbiq olunan rejim məsələlərinə xüsusi diqqət yetirilib.

Səfər zamanı nümayəndə heyəti Rusiya İstintaq Komitəsinin rəhbəri Aleksandr Bastrıkin, ədliyyə naziri Aleksandr Konovalov və daxili işlər nazirinin birinci müavini Aleksandr Qorovoyla görüşlər keçirib.

Görüşlərdə Rusiya hüquq-mühafizə orqanlarının və pentensiar müəssisələrinin fəaliyyəti, işgəncə və pis rəftarla bağlı cinayət işləri üzrə araşdırmaların vəziyyəti, Rusiya hakimiyyət orqanları ilə İşgəncənin qarşısının alınması üzrə Avropa Komitəsinin arasında əməkdaşlığın daha da genişləndirilməsi yolları və digər məsələlər ətraflı müzakirə edilib.

L. Hüseynov bildirib ki, monitorinqin nəticələri barədə geniş məruzə hazırlanacaq və Rusiya hökumətinə təqdim olunacaq.