Bakı. Yeganə Laçınzadə - APA-Economics. “Expressbank”ın Əhmədli metro stansiyasının yaxınlığında yeni “Əhmədli” filialı fəaliyyətə başlayıb.
Bankdan “APA-Eonlomics”ə verilən xəbərə görə, yeni filial Əhmədli metrosunun çıxışında, M. Hadi küçəsi, 31S ünvanında yerləşir.
"Expressbank" filial şəbəkəsinin optimallaşdırılması layihəsi çərçivəsində daha bir filialını müştərilərin istifadəsinə verib. Əhmədli metro stansiyasının yaxınlığında yerləşən filial müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir”, - deyə “Expressbank”ın Biznesin İnkişafı departamentinin direktoru Mehriban Ocaqquliyeva bildirib.
“Expressbank”ın paytaxt Bakı ilə yanaşı Sumqayıt, Gəncə, Mingəçevir, Bərdə, Qusar, Xaçmaz və Şirvan şəhərlərində də filialları fəaliyyət göstərir. Bankın ölkə üzrə 90-dək bankomat, 7500-dək POS-terminal və 400-dək “ExpressPay” ödəniş terminalı vardır.
Bank xidmətləri barədə ətraflı məlumat üçün 132 məlumat mərkəzinə zəng edə, www.expressbank.az saytına və ya bankın rəsmi Facebook səhifəsinə www.facebook.com/Expressbank daxil ola bilərsiniz.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
