Balakən. Vüqar Heydərov-APA. Balakəndə fərdi yaşayış evi yanıb.
Fövqaladə Hallar Nazirliyinin (FHN) Balakən rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın rayonun Qaysa kəndində, Əhmədol Məhəməli oğlu Qanbaçayevə məxsus, ümumi sahəsi 108 kv/m olan birmərtəbəli 4 otaqlı fərdi yaşayış evində baş verib. Hadisə yerinə FHN-nin Balakən rayon DYMH-nin texnikası və canlı qüvvəsi cəlb edilib. Yanğın nəticəsində evin yanar konstruksiyaları və ev əşyaları qismən yanıb. Yanğın zamanı xəsarət alan olmayıb.
Faktla bağlı FHN-nin Balakən rayon DYMH-də araşdırma aparılır.