Bakı. Cavid Zeynallı – APA. Türkiyənin Hakkari bölgəsində terrorçular mülki avtomobilə atəş açıb. APA-nın “Anadolu” agentliyinə istinadən verdiyi məlumata görə, hadisə Şemdinli rayonunda baş verib və hücum nəticəsində bir nəfər ölüb.
Məlumata görə, PKK terrorçularının Şemdinli-Yüksekova avtomobil yolunun 20-ci kilometrliyində saxladıqları avtomobilin sürücüsü Cəlal İnan hadisə yerindən yayınmaq istəyərkən atəşə məruz qalıb.
Avtomobildə olan Ədalət və İnkişaf partiyasının Şemdinli rayonu üzrə sabiq sədr müavini Möhsün Qaya xəsarət almadan xilas olub.
Terrorçuları zərərsizləşdirmək üçün təhlükəsizlik qüvvələri əməliyyata başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
