Dekabrın 3-də Hilton hotelində “ABŞ Təhsilli Azərbaycan Məzunları” İctimai Birliyinin təşkilatçılığı ilə ali məktəb tələbələri arasında Azərbaycan Biznes Keys (Azerbaijan Business Case Competition) müsabiqəsinin final mərhələsi keçirilib.
Azərbaycanın müxtəlif universitetlərinin tələbələrinin iştirakı ilə keçirilən bu müsabiqənin qaydalarına görə yarımfinal qalibi olmuş dörd komanda final mərhələsində maliyyə, marketinq, mühasibat, texnologiya və idarəetmə kimi sahələr üzrə hakimlər qarşısında öz təhlillərinin təqdimatı ilə çıxış etmiş, kritik biznes düşüncə qabiliyyəti, maliyyə analizi, marketinq strategiyası istiqamətlərində bilik və bacarıqlarını nümayiş etdirmişlər.
Gərgin mübarizədən sonra Bakı Mühəndislik Universitetinin komandası birinci yerə layiq görülmüşdür.
Sosial məsuliyyət fəaliyyəti çərçivəsində bir çox layihələrin gerçəkləşməsində iştirak edən, səhmlərinin 75 faizi dövlətə məxsus Azər Türk Bank, ölkədə 15-ci dəfə baş tutan bu mühüm əhəmiyyətli tədbirin tərəfdaşı qismində çıxış etmişdir. Daim yenilikçi və innovativ olan Azər Türk Bankın bu layihədə iştirak etməkdə niyyəti gənclərin iqtisadi sahələrdə bilik və bacarıqlarını təkmilləşdirməkdə, bu istiqamətdə praktiki bacarıqlara yiyələnməkdə onlara dəstək verməkdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
