Birja

Ana səhifə

Birja

“Bank Standard” QSC-nin 20 mln. manatlıq istiqrazlarının yerləşdirilməsinə başlanılıb

25 iyul 2008 08:38 (UTC +04:00)

Bakı. Nicat Mustafayev – APA-Economics. Bu ilin iyul ayının 25-dən etibarən Azərbaycan Qiymətli Kağızlar üzrə Dövlət Komitəsi (QKDK) tərəfindən dövlət qeydiyyatına alınmış «Bank Standard» Qapalı Səhmdar Cəmiyyətinin emissiya olunmuş sənədsiz adlı faizli istiqrazların yerləşdirilməsi başlanacaq. Bakı Fond Birjasından (BFB) «APA-Economics»ə verilən məlumata görə, emissiyanın həcmi 20 mln. manat, istiqrazın nominal dəyəri 1 000 manat, istiqraz üzrə gəlirlilik 13%, tədavül müddəti isə 1 080 gün təşkil edir. Emissiya prospektinə əsasən, yerləşdirmə kütləvi təklif üsulu ilə BFB vasitəsi ilə keçiriləcək. İstiqrazların yerləşdirilməsində anderrayter vəzifəsində «Standard Capital» MMC çıxış edəcək.
Qeyd edək ki, «AB Standard» Şirkətlər Qrupuna daxil olan və Azərbaycanın ən iri kommersiya bankı olan «Bank Standard» SKB 1995-ci ildən fəaliyyət göstərir.

“Bank Standard”