Birja

Ana səhifə

Birja

Bu gün BFB-da Azərbaycan Milli Bankının 20 mln. manatlıq notları yerləşdirilib

16 oktyabr 2008 15:40 (UTC +04:00)

Bakı. Vüqar Mustafayev – APA-Economics. Bu gün Bakı Fond Birjasında (BFB) Azərbaycan Milli Bankının (AMB) 50104119S seriyalı, ümumi həcmi 50 mln. manat, hərraca çıxarılan həcmi 20 mln. manat, bir notun nominal dəyəri 200 manat, tədavül müddəti 27 gün olan qısamüddətli notlarının yerləşdirilməsi üzrə hərrac keçirilib.
BFB-dan «APA-Economics»ə verilən məlumata görə, 7 investorun iştirakı ilə keçirilən hərracda sifarişlərin nominal üzrə ümumi həcmi 28 395 600 manat təşkil edib. Sifarişlər 99,18% (gəlirlik 11,02%) – 99,32% (gəlirlik 9,13%) qiymət intervalında təqdim olunub. Notların rəqabətli sifariş üzrə kəsmə qiyməti emitent tərəfindən 99,28% (gəlirlik 9,67%), orta ölçülmüş qiymət isə 99,30% (gəlirlik 9,40%) səviyyəsində müəyyənləşdirilib. Nəticədə, notların nominal üzrə reallaşdırılmış həcmi, 1 672 600 manatlıq qeyri-rəqabətli sifarişlər daxil olmaqla, 20 mln. manat həcmində müəyyən edilib.
Qeyd edək ki, bu not buraxılışı üzrə öhdəliklər emitent tərəfindən 2008-ci ilin noyabrın 12-də icra olunacaq.