Birja

Ana səhifə

Birja

BFB-da Azərbaycan Milli Bankının 50104219S seriyalı 25 mln. manatlıq not emissiyası yerləşdirilib

22 oktyabr 2008 13:48 (UTC +04:00)

Bakı. Vüqar Mustafayev – APA-Economics. Bu gün Bakı Fond Birjasında (BFB) Azərbaycan Milli Bankının (AMB) 50104219S seriyalı, ümumi həcmi 50 mln. manat, hərraca çıxarılan həcmi 25 mln. manat, bir notun nominal dəyəri 200 manat, tədavül müddəti 28 gün olan qısamüddətli notlarının yerləşdirilməsi üzrə hərrac keçirilib.
BFB-dan «APA-Economics»ə verilən məlumata görə, 13 investorun iştirak etdiyi hərracda sifarişlərin nominal üzrə ümumi həcmi 73,464 mln. manat təşkil edib. Sifarişlər 99,25% (gəlirlik 9,72%) – 99,36% (gəlirlik 8,28%) qiymət intervalında təqdim olunub. Notların rəqabətli sifariş üzrə kəsmə qiyməti emitent tərəfindən 99,34% (gəlirlik 8,54%), orta ölçülmüş qiymət isə 99,35% (gəlirlik 8,41%) səviyyəsində müəyyənləşdirilib. Nəticədə, notların nominal üzrə reallaşdırılmış həcmi, o cümlədən 4 999,2 min manatlıq qeyri-rəqabətli sifarişlər daxil olmaqla, 25 mln. manat məbləğində müəyyən edilib.
Qeyd edək ki, bu not buraxılışı üzrə öhdəliklər emitent tərəfindən 2008-ci ilin noyabr ayının 19-da icra olunacaq.