Birja

Ana səhifə

Birja

Dow Jones indeksi 2,66%, S&P 500 2,29%, Nasdaq isə 1,55% enib

10 dekabr 2008 08:28 (UTC +04:00)

Bakı. Vahab Rzayev - APA-Economics. Dekabrın 9-da Amerika bazarlarında Dow Jones indeksi 2,66% - 8696,27 bəndədək, S&P 500 2,29% - 888,85 bəndədək, Nasdaq isə 1,55% - 1547,34 bəndədək enib.
«APA-Economics»in məlumatına görə, ABŞ-da aparıcı indekslərin enməsi bazar iştirakçılarının Amerika avtomobil istehsalçılarına dövlət maliyyə dəstəyinin verilib-verilməyəcəyi ilə bağlı qeyri-müəyyənliyin davam etməsinə reaksiyası kimi qiymətləndirilir. Qeyd edək ki, dekabrın 8-də «Chrysler», «Ford» və «General Motors» şirkətlərinə dövlət tərəfindən 15 mlrd. dollar həcmində maliyyə dəstəyini nəzərdə tutan plan təqdim olunub, lakin bu addımın məqsədəuyğun olması barədə müzakirələr hələ də davam edir. Həmçinin, «FedEx» şirkəti ilə bağlı mənfi proqnozlar və hətta onun böhranın növbəti qurbanı olması ehtimalları da bazara mənfi təsir göstərib.
Avropa bazarlarında Britaniya FTSE 100 indeksi 2% - 4389 bəndədək, Fransa CAC-40-ı 1,5% - 3298 bəndədək, Almaniya DAX-ı isə 1,3% - 4779 bəndədək yüksəlib. Avropa bazarlarında əsasən avtomobil və netf-qaz şirkətlərinin (BMW, «Daimler», «Fiat», «Volkswagen», BP, «Royal Dutch Shell» və s.) səhmləri bahalaşıb.