Birja

Ana səhifə

Birja

Dow Jones indeksi 0,1%, Nasdaq 0,15% enib, S&P 500 isə 0,1% yüksəlib

10 fevral 2009 07:18 (UTC +04:00)

Bakı. Vahab Rzayev - APA-Economics. Fevralın 9-da Amerika fond bazarında Dow Jones indeksi 0,1% - 8270,87 bəndədək, Nasdaq 0,15% - 1591,56 bəndədək enib, S&P 500 isə 0,1% - 869,89 bəndədək yüksəlib.
«APA-Economics»in məlumatına görə, fevralın 9-da ABŞ fond bazarında müşahidə edilmiş sakitlik maliyyə naziri Timoti Qeytnerin prezident Obamanın administrasiyası tərəfindən hazırlanmış iqtisadi bərpa planının ictimaiyyətə açıqlanmasını fevralın 10-dək təxirə salınması ilə əlaqəlidir.
Avropa bazarlarında fevralın 9-da Britaniya FTSE 100 indeksi 0,37% - 4307,61 bəndədək, Fransa CAC-40-ı 0,39% - 3134,87 bəndədək, Almaniya DAX-ı isə 0,48% - 4666,82 bəndədək yüksəlib. Avropada ticarət günü banklar və avtomobil istehsalçıları üçün uğurlu alınıb. Belə ki, «Barclays» bankının səhmləri 11%, «Royal Bank of Scotland»ın səhmləri 3,3%, «Peugeot Citroen»in səhmləri 3,9%, «Renault»ın səhmləri 7,2% bahalaşıb.
Dünya bazarında avronun dollara qarşı məzənnəsi 1,2819 (-1,04%) dollar təşkil edir.