Birja

Ana səhifə

Birja

Bu gün BBVB-nin valyuta bölməsində 63,765 mln. dollarlıq əqd bağlanıb

12 fevral 2009 15:11 (UTC +04:00)

Bakı. Nicat Mustafayev – APA-Economics. Bu gün Bakı Banklararası Valyuta Birjasının (BBVB) valyuta bölməsində keçirilən ticarət sessiyalarının nəticələrinə görə, USD/AZN ortaölçülü məzənnəsi 0,8065 AZN/$1 təşkil edib.
BBVB-dən «APA-Economics»ə verilən məlumata görə, BEST sistemində keçirilən səhər sessiyasının açılış məzənnəsi 0,8070 AZN/$1-ə bərabər olub. USD/AZN T+0 aləti üzrə qeydə alınan əqdlərin həcmi 4,0839 mln. AZN təşkil edib, sessiyanın yekunlarına görə isə manatın orta məzənnəsi dollara nisbətən 0,0005 bənd qalxıb və 0,8065 AZN/$1 təşkil edib
BEST-in gündüz sessiyasında USD/AZN T+0 aləti üzrə qeydə alınan əqdlərin həcmi 46 587 473 AZN, manatın orta məzənnəsi isə 0,8065 AZN/$1 təşkil edib.
Beləliklə, hər iki sessiyanın nəticələrinə görə, BEST-in ümumi həcmi USD/AZN aləti üzrə 63,765 mln. dollar və ya 51 426 473 AZN təşkil edib. Orta hesabla hər sövdələşmənin payına 3 036 429 dolları düşür. USD/AZN T+1, T+2 alətləri üzrə tələbat olmadığı şəraitdə dilerlər tərəfindən əqdlər bağlanılmayıb.
SWAP_USD/AZN aləti üzrə 30 günlük əqd bağlanıb. Əqdin həcmi 10 mln. dollar təşkil edib. Onun ortaölçülü məzənnəsi isə 0,8081 AZN/$1-ə bərabər olub.
EUR/AZN T+0 aləti üzrə bağlanılan banklararası əqdlərin həcmi 362 495 AZN, manatın orta məzənnəsi avroya nisbətən 1,0357 AZN təşkil edib.
Rusiya rublu üzrə sifarişlər banklar tərəfindən BEST sisteminə daxil edilməyib.
Qeyd edək ki, BEST sistemində fəaliyyət göstərən mütəşəkkil banklararası kredit bazarında market-meyker statusu alan banklar tərəfindən 90 günlük alət üzrə verilən sifarişlər əsasında hesablanan BakİBOR indeksi manat vəsaitləri üzrə illik 15,43%, ABŞ dolları üzrə isə illik 16,14% təşkil edib. Gün ərzində kredit alətləri üzrə banklar arasında əqdlər qeydə alınmayıb.