Birja

Ana səhifə

Birja

Avropanın fond indeksləri enib

17 fevral 2009 10:00 (UTC +04:00)

Bakı. Vahab Rzayev - APA-Economics. Avropa bazarlarında fevralın 16-da Britaniya FTSE 100 indeksi 1,31% - 4134,75 bəndədək, Fransa CAC-40-ı 1,19% - 2962,22 bəndədək, Almaniya DAX-ı isə 1,06% - 4366,64 bəndədək enib.
«APA-Economics»in məlumatına görə, fevralın 16-da ABŞ-ın fond birjalarında ölkədə Prezidentlər Günü bayramı ilə əlaqədar ticarət əməliyyatları aparılmayıb. Əvvəlki ticarət günü, yəni fevralın 13-də Dow Jones indeksi 7850,41 bənd, S&P 500 - 826,84 bənd, Nasdaq isə 1534,36 bənd təşkil edib.
Fevralın 16-da Avropa bazarlarında kotirovkaların enməsi ilk növbədə bank sektorunda müşahidə olunub. Belə ki, «Lloyds Banking Group»un səhmləri 8%, İtaliya «UniCredit»inin 8%, «Royal Bank of Scotland», «Commerzbank» və «Deutsche Bank»ın səhmləri 6,5-6,9% ucuzlaşıb. Eyni zamanda, enmə tendensiyaları digər sahələri də əhatə edib ki, bunun əsas səbəbi kimi ötən həftənin sonunda G-7 ölkələrinin maliyyə nazirləri tərəfindən dünyada iqtisadi vəziyyətin yaxşılaşdırılmasına dair hər hansı konkret tədbirlər planını təklif etməməsi ilə bağlıdır.
Dünya bazarında avronun dollara qarşı məzənnəsi 1,2664 (-1,03%) dollar təşkil edir.