Birja

Ana səhifə

Birja

Dow Jones indeksi 0,04% yüksəlib, S&P 500 0,1%, Nasdaq isə 0,2% enib

19 fevral 2009 07:19 (UTC +04:00)

Bakı. Vahab Rzayev - APA-Economics. Fevralın 18-də Amerika fond bazarında Dow Jones indeksi 0,04% - 7555,39 bəndədək yüksəlib, S&P 500 0,1% - 788,42 bəndədək, Nasdaq isə 0,2% - 1467,97 bəndədək enib.
«APA-Economics»in məlumatına görə, ABŞ-ın fond bazarına ölkənin daşınmaz əmlak bazarı üzrə xəbərlər təsir edib. Belə ki, yanvarda yeni tikililər üçün alınan icazələrin sayı tarixi minimuma enib, yaşayış mənzillərinin tikintisi həcmi dekabrla müqayisədə 16,8% azalaraq 466 min təşkil edib. Bundan başqa, Federal Ehtiyat Sistemi bu il ölkə iqtisadiyyatının 0,5-1,3% azalacağını, gələn il isə 2,5-3,3% artacağını proqnozlaşdırır. Eyni zamanda, fevralın 18-də ABŞ prezidenti Barak Obama mənzil sektoruna dəstək planı açıqlayıb, lakin bazar iştirakçıları bu təkliflərə hələ ki ehtiyatla yanaşır.
Avropa bazarlarında fevralın 18-də Britaniya FTSE 100 indeksi 0,68% - 4204,96 bəndədək, Fransa CAC-40-ı 0,04% - 2874,07 bəndədək, Almaniya DAX-ı isə 0,28% - 4204,96 bəndədək enib. Avropa kotiravkalarının enməsi əsasən hasilat və avtomobil sahələrini əhatə edib. Belə ki, BP-nin səhmləri 3%, «BHP Billiton»un 2,2%, «Rio Tinto»nun 0,7%, «Daimler»in 3,7%, «MAN»ın 1,9%, «Volkswagen»in səhmləri 0,4% ucuzlaşıb.
Dünya bazarında avronun dollara qarşı məzənnəsi 1,2569 (-0,21%) dollar təşkil edir.