Birja

Ana səhifə

Birja

Dow Jones indeksi 3,5%, S&P 500 4,1%, Nasdaq isə 4% yüksəlib

13 mart 2009 09:00 (UTC +04:00)

Bakı. Vahab Rzayev - APA-Economics. Martın 12-də Amerika fond bazarında Dow Jones indeksi 3,5% - 7170,06 bəndədək, S&P 500 4,1% - 750,74 bəndədək, Nasdaq isə 4% - 1426,10 bəndədək yüksəlib.
«APA-Economics»in məlumatına görə, martın 12-də ABŞ bazarında ardıcıl üçüncü gündür kotirovkaların artımı əsasən maliyyə sektorundakı şirkətlərin səhmlərinin bahalaşması hesabına baş verir. Məsələn, «Bank of America»nın rəhbərliyi bankın hökumət yardımına artıq ehtiyacının olmadığı bildirib və bu bəyanat bankın səhmlərini 18,6% bahalaşdırıb. Bunun ardınca «Citigroup»un səhmləri 8,4%, «Wells Cargo»nun səhmləri 17,42% yüksəlib. Bundan əlavə, «General Electric» şirkətinin səhmləri 12,7%, «General Motors»un 17,2%, İT sektorunda isə «Microsoft»un səhmləri 0,6%, «İntel»in səhmləri isə 4,01% bahalaşıb.
Avropa bazarlarında martın 12-də Britaniya FTSE 100 indeksi 0,5% - 3712,06 bəndədək, Fransa CAC-40-ı 0,8% - 2694,25 bəndədək, Almaniya DAX-ı isə 1,1% - 3956,22 bəndədək yüksəlib. Kotirovkaların artması əsasən korporativ xəbərlərin nəticəsində baş verib ki, bu da müxtəlif sahələri əhatə edib. Məsələn, avtomobil istehsalat sahəsində BMW-nin səhmləri 3,2%, «Daimler»in səhmləri 4,3%, «Volkswagen»in səhmləri 2,3% bahalaşıb.
Dünya bazarında avronun dollara qarşı məzənnəsi 1,2913 (+0,58%) dollar təşkil edir.